Kvöldmatur
Chili límónu kjúklingur
Samstarf með Gerum daginn girnilegan
– Unnið í samstarfi við Gerum daginn girnilegan – Ég viðurkenni að þessi réttur er dálítið sumarlegur svona í janúar mánuði en svo ferskur og góður og var kannski bara alveg tilvalin í kuldanum. Fær mann til að hlakka til sumarsins. Ótrúlega léttur og bragðgóður réttur, þar sem auðvelt er að leika sér með hráefnin og krydda aukalega með hráefnunum eftir á með chili, límónu og kóríander hver eftir sínu höfði. Það er þannig á mínu heimili að við erum mis glöð með sterkan mat og við vitum öll að kóríander er vissulega ekki allra en þá er um að gera að bera þessa hluti fram með réttnum.
Skammtar
3
Tími
140 mín
Ofnhiti
180°C
Hráefni
Skammtar:3
Chili límónu kjúklingur
Maís & ananas hrísgrjón
Aðferð — Chili límónu kjúklingur
Afþýðið kjúklinginn og fituhreinsið ef þið viljið. Mælið hráefnin og skerið niður kóríander, þá er öllu blandað saman í skál, hrært vel saman og lok eða plast sett yfir. Leyfið kjúklingnum að marinera í minnst 1-2 tíma, best að leyfa honum að liggja í dágóðan tíma ef það er möguleiki. Stillið ofn á 180°c. Raðið kjúklingnum í eldfast form og eldið í 15-20 mín.
Aðferð — Maís & ananas hrísgrjón
Sjóðið hrísgrjónin með vatni þangað til þau eru full soðin. Takið pönnu og bræðið smjör, skerið maísbitana frá stilknum og ananasinn smátt niður og bætið út á pönnuna. Hellið síðan soðinu sem myndast hefur af kjúklingnum út á pönnuna ásamt hrísgrjónunum og hrærið þessu vel saman. Piprið eftir smekk. Berið fram með meiri kóríander, límónu og Sriracha sósu. Njótið!
Gefðu uppskriftinni einkunn
