Kökur
Sítrónu og bláberja formkaka
Samstarf með Gott í matinn
Unnið í samstarfi við Gott í matinn Það er eitthvað við hækkandi sól þá langar manni að fara að baka meira úr ferskum ávöxtum, svona léttari bakstur. Það leynast nokkrar sítrónu kökur og eftirréttir hér á síðunni og ég held hreinlega að þeir séu allir settir inn á þessum árstíma á milli ára. En þessi dýrindis sítrónu og bláberja formkaka var virkilega góð. Mjúk, sæt og sítrónusúr glassúr ofan á, fullkomin með kaffibollanum út í sólinni á pallinum, allaveganna í huganum mínum!
Tími
70 mín
Ofnhiti
180°C
Hráefni
Sítrónu og bláberja formkaka
Glassúr
Aðferð — Sítrónu og bláberja formkaka
Stillið ofn á 180°c. Setjið sykur í hrærivélarskál og rífið sítrónubörkinn saman við. Nuddið honum létt saman við sykurinn með fingrum. Bræðið þá smjör og blandið saman við sykurinn, hrærið í 3-5 mín saman þangað til að blandan er orðin ljós. Bætið þá eggjunum saman við einu í einu og hrærið vel. Bætið þá salt, lyftidufti og hveiti saman við og hrærið. Þá er grísku jógúrtinni, vanilludropum og sítrónusafa bætt við og hrært saman. Setjið bláberin í skál með smá hveiti og blandið saman með skeið þangað til að berin eru hjúpuð hveiti og bætið þeim saman við deigið og hrærið þeim saman með sleikju. Setjið bökunarpappír í formkökuform og hellið deiginu í formið. Sléttið úr að því að ofan og setjið inn í ofn og bakið í 55-60 mín. Gott er að stinga prjón eða hníf í kökuna og þegar prjóninn kemur hreinn út er kakan klár.
Aðferð — Glassúr
Blandið saman flórsykri og sítrónusafa og hellið yfir kökuna þegar hún hefur kólnað lítillega. Njótið!
Gefðu uppskriftinni einkunn
