Kökur
Sítrónu formkaka
Ég fékk einhverja óstjórnlega löngun í sítrónuköku um daginn, þá var ekkert annað en að skella í eina formköku og gúffa í sig tveimur sneiðum. Kakan er ótrúlega ljúffeng og þétt í sér. Ef að sítrónuköku löngunin blossar upp hjá ykkur líkt og hjá mér mæli ég með að prófa þessa!
Tími
55 mín
Ofnhiti
175°C
Hráefni
Sítrónu formkaka
Glassúr
Aðferð — Sítrónu formkaka
Stillið ofn á 175°c. Þeytið saman smjör og sykur í 2-3 mín, bætið eggjunum saman við einu í einu. Blandið saman við sýrðum rjóma, sítrónusafa og sítrónuberki og hrærið létt saman við. Þá er hveiti, matarsóda og salti bætt út í og hrært saman. Setjið í formkökuform eða form sem ykkur langar að nota. Gott er að klæða það að innan með bökunarpappír eða notast við Pam olíu sprey. Setjið inn í ofn og bakið í 40-45 mín eða þangað til að prjónn/hnífur kemur hreinn upp úr þegar stungið er í kökuna. Leyfið kökunni að kólna lítillega áður en glassúrinn er settur á.
Aðferð — Glassúr
Blandið öllum hráefnunum saman í skál og hrærið saman. Hægt er að sleppa eggjahvítunni og nota eingöngu sítrónusafa en eggjahvítan gerir glassúrinn stífan, hvítan og fallegan. Dreifið glassúrnum yfir kökuna og berið fram. Njótið!
Gefðu uppskriftinni einkunn
