– Unnið í samstarfi við Toro –
Bjó ég mér mögulega til franskt heiti á rétt, mögulega! Þýðum þetta aftur yfir á íslensku en þá erum við að vinna með hrísgrjóna og rjómaeftirréttinn fræga en að þessu sinni með heslihnetum í staðinn fyrir möndlur og toppum þetta með dulce de leche karamellu og eplum. Hvernig er þetta að hljóma?
Í rúmlega tuttugu ár höfum við fjölskyldan hisst í hádeginu á aðfangadag skipst á gjöfum og borðað Risalamande saman – Ein af mínum uppáhalds stundum í kringu jólin. Svo ákvað að taka þennan klassíska rétt og leika mér aðeins með og útkoman er ótrúlega ljúfeng.
Ris a la noisettes – fyrir 6-8 –
Grjónagrautur
1 pk Toro grjónagrautur
750 ml mjólk
Eldið grautinn samkvæmt leiðbeiningum og kælið vel.
Rjómablanda
400 ml rjómi
2 tsk vanillu paste (fæst í m.a. í Krónunni)
1 msk sykur
100 g hakkaðar heslihnetur
Létt þeytið rjómann í stórri skál, blandið saman við hann vanillu, sykri og hökkuðum heslihnetum. Hellið þá köldum grjónagrautnum saman við rjómann og hrærið vel. Berið fram annað hvort í stórri skál eða setjið í skálar og skreytið með dulce de leche, heslihnetum og soðnum eplum.
Samsetning
Dulce de leche karamellusósa
1 epli
Sjóðið niðursoðna mjólk yfir í dulce de leche eða kaupið hana tilbúna. Skerið eplin niður í mjög smáa bita og sjóðið í 2-3 mín, rétt til að fá mýkt í eplin.
Berið réttinn fram annað hvort í stórri skál og þá karamelluna og eplin í sér skál eða setjið í skálar og skreytið með dulce de leche, heslihnetum og soðnum eplum.
Njótið!
– Fylgstu með á Instagram Döðlur & smjör –
